#НартайАралбайұлы #NartayNews #НартайНьюс #nartaynews #Еңбекадамы
🔹Спикер: Сания Нағашыбайқызы - флотатор.
Президент Қасым-Жомарт Тоқаев ауыр және зиянды өндірісте жұмыс істейтін азаматтарға арнайы әлеуметтік төлем беруді тапсырған болатын. Себебі, бүгінде өндірісте жарақат алу көрсеткіші әлі де жоғары болып тұр. Ал зиянды өндірісте жұмыс істейтін азаматтарды қолдау мәселесі бұрыннан бері талқыланып келеді. Президенттің пәрменімен оның оң шешімі табылды. Яғни, зиянды өндірісте істейтін жұмысшыларға зейнет жасқа жеткенге дейін 55 жастан бастап арнайы әлеуметтік төлем берілетін болады. Бұдан бөлек, Мемлекет басшысы 2030 жылға дейінгі қауіпсіз еңбек тұжырымдамасын қабылдау керектігін айтқан болатын. Біле білгенге бұл өте маңызды мәселе. Себебі, қаншама адам кен орындарында, өндірісте улы ауаны жұтып, қауіпті заттармен жұмыс істеп жүр. Ең басты байлық денсаулық дейміз, сол денсаулығын қатерге тігіп жүрсе де мамандыққа адалдық танытып жатқан азаматтардың еңбегі ерлікпен пара пар. Бүгінгі кейіпкеріміз де сондай салада 41 жылдан бері қызмет етіп келеді. «Қазақмыс» Корпорациясында Бас корпус флотатор маманы. Бұл миамандықты көбі біле бермейтіні рас. Сондықтан, кейіпкеріміз Сания Нағашыбайқызы флотатор деген кім екенін өзі айтып берсін.
Рас, Флотатор құрылғымен жұмыс істейтін маман. Бірақ, осындай күрделі әрі зиянды жұмысты бір жыл, екі жыл, бәлкім он жыл істейтіндер бар шығар. Алайда, қырық жыл тамжылмай міндетті атқару деген қиынның қиыны.Флотатор мамандығы әйел затына ғана емес, ер адамдарға да ауыр әрі кері әсер етеді. Дегенмен, сақтанып, бапрлық талап пен ережені қатаң ұстанып, қызметтік міндетті атқара білгендер үшін бұл мамандықтың да пайдасы ме ләззаты бар.
Теле бағдарламаларда, әлеуметтік сауалнамаларда, өлеңде, жалпы өмірде жиі қойылатын бір сұрақ бар. Оған жауаптың да небір түрі, қисынды және қисынсыз , қияли әрі шынай ы нұсқалары да айтылды. Ол БАҚЫТ ДЕГЕН НЕ деген сұрақ еді. Рас, әр кім бақытты әртүрлі түсінеді. Біреу бақытты балалық шағынан , басқасы байлықтан, тағы бірі денсаулықтан, енді бірі махабаттан тауып жатады. Бірақ, мен естіген, мен оқыған, мен көрген жауаптардың ішінде ең кереметі бар. Түріктің Назым Хикмет деген әйгілі қаламгері өткен. Сол айтады бақыт деген “таңертең өте қатты жұмысқа барғың келсе, кешке сол жұмыстан шығып өте қатты үйге жеткің келсе бақыт деген сол дейді. Яғни, адам өзі сүйген іспен айналысса әрі үйінде өзі сүйген адамдары болса бақыт деген сол екен. Бүгінгі кейіпкеріміз де қырық жылдан аса зиянды жұмысты шарасыздан істеп жүрген жоқ. Ол сол мамандықты шын ықылдасымен таңдады, сол мамандықты сүйіп, әлі күнге дейін сүйсіне істеп жүр. Бұл да бір бақыт.
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: nartay_aralbayu...
Фейсбук: / nartai.sarsengaliyev