Рет қаралды 12
🔵 ვენახების კადასტრი იქმნება თითოეული ვენახის ნაკვეთის იდენტიფიკაცია-რეგისტრაციით და ვენახებისა და მევენახეების შესახებ დეტალური ინფორმაციის აღწერით, რომელიც მოიცავს ვენახში არსებულ ვაზის ჯიშებს, დარგვის თარიღს, ვენახის მდგომარეობას და ა.შ.
🔹 პროგრამა 2014 წელს დაიწყო რაჭა-ლეჩხუმის რეგიონში, 2015 წლიდან გაგრძელდა კახეთის რეგიონში. ორივე რეგიონში, 2021 წელს დასრულდა.
🔹 2022 წელს, პროგრამა განხორციელდა ქვემო ქართლის, შიდა ქართლის, მცხეთა-მთიანეთისა და სამცხე ჯავახეთის რეგიონებში. 2023 წელს, პროგრამა განხორციელდება იმერეთის, სამეგრელოს და გურიის რეგიონებსა და აჭარის ავტონომიურ რესპუბლიკაში.
🔹 პროგრამის ფარგლებში შეიქმნება ვენახების, ასევე ღვინის წარმოების მართვისა და კონტროლისთვის საჭირო განახლებადი საინფორმაციო სისტემა, შესაძლებელი გახდება ყურძნის მოსავლისა და ღვინის პროდუქციის პროგნოზირება.
🔹 ვენახების კადასტრი აქვს ევროკავშირის წევრ ყველა იმ ქვეყანას, სადაც მევენახეობა-მეღვინეობის ინდუსტრია განვითარებულია და ვენახების კადასტრის შექმნით, საქართველო მნიშვნელოვან ევროპულ გამოცდილებას ნერგავს.
🔹 პროექტის ბიუჯეტია 650 000 ლარი, პროგრამა იმერეთის, სამეგრელოს და გურიის რეგიონებსა და აჭარის ავტონომიურ რესპუბლიკაში 2023 წლის ბოლომდე დასრულდება, რითაც კადასტრის პროგრამა საქართველოს მევენახეობის ყველა რეგიონს მოიცავს.