6+
Ölkəni şər qüvvələrdən qoruyan üç sehirli almanı divlər oğurlayırlar. Həmin almaları axtarıb tapmaq üçün şah oğlanlarının üçünü də uzaq səfərə göndərir. Böyük oğul Şahməmməd əylənmək, şənlənmək həvəskarıdır. Ortancıl Xanməmməd acgöz və tənbəldir, kiçik qardaş Məlikməmməd isə romantik və xəyalpərəstdir. Qardaşların yolu uzun, təhlükəli və çətin olur. Amma filmin sonunda onlar hər cür çətinlikləri aradan qaldırır, güclü və xeyirxah olurlar.
Film amerikan kinoprodüserlərinin seçib 1989-cu ildə ABŞ-da nümayiş etdirdikləri 17 ən yaxşı sovet filminin siyahısına daxil edilib.
Çəkilişlər Naxçıvanda - Əbrəqunis kəndində, Culfa dağlarında, Bakının Qala kəndinin yaxınlığında olan çöllükdə, İçərişəhərdə karvansaranın içində və kənarında aparılıb, mağara səhnəsi pavilyonda, təhlükəli səhnələr isə “Ovçular evi”ndə çəkilib.
Film “Məlikməmmədin nağılı” adlı Azərbaycan xalq nağılının motivləri əsasında çəkilib.
Rejissor: Tofiq İsmayılov
Ssenari müəllifi: Oqtay Məmmədov
Operatorlar: Şərif Şərifov, Vladimir Sapojnikov
Rəssamlar: Elbəy Rzaquliyev, Rafiq Nəsirov
Bəstəkar: Tofiq Quliyev
Rollarda: Ötkəm İsgəndərov (Məlikməmməd), Elşad Qazıyev (Şahməmməd), Viktor Dəmirtaş (Xanməmməd), Sonaxanım Əliyeva (II) (Pərizad), Həmidə Ömərova (Nurzad), Leyla Manafova (Gülşad), Həsən Məmmədov (hökmdar), Məmmədrza Şeyxzamanov (nağılçı)
İstehsalçı: Azərbaycanfilm
İlk baxış tarixi: 18.03.1982
Janr: macəra, fentezi