Рет қаралды 1,058
Historical Materialism - Suresh Kodoor
ചരിത്രപരമായ ഭൌതികവാദം
- സുരേഷ് കോടൂർ
ചരിത്രപരമായ ഭൌതികവാദത്തിന്റെ മൌലികമായ സംഭാവന എന്നത് അത് വർഗങ്ങൾ ഉത്പാദന ശക്തികളുടെ വികാസത്തിന്റെ പ്രത്യേക ചരിത്ര ഘട്ടങ്ങളില് മാത്രം നിലനിൽക്കുന്നതാണെന്നും, വർഗങ്ങൾ തമ്മിലുള്ള സമരം സമൂഹത്തിലെ പണിയെടുക്കുന്നവർക്ക് അഥവാ തൊഴിലാളി വർഗത്തിലുള്ളവർക്ക് (proletariat) മേൽക്കൈ ഉള്ള ഭരണവ്യവസ്ഥയിലേക്ക് (dictatorship of the proletariat) നയിക്കുമെന്നും, താല്ക്കാലികമായ ആ വ്യവസ്ഥയിൽ നിന്നും ആത്യന്തികമായി എല്ലാ വർഗങ്ങളും അപ്രത്യക്ഷമാവുന്ന വർഗരഹിതമായ സ്ഥായിയായ ഒരു സമത്വ സാമൂഹ്യ വ്യവസ്ഥിതിയിലേക്ക് അഥവാ കമ്യൂണിസ്റ്റ് വ്യവസ്ഥിതിയിലേക്ക് മനുഷ്യ സമൂഹം എത്തിച്ചേരുമെന്നും കാര്യ-കാരണ ബന്ധങ്ങളുടെ പി൯ബലത്തോടെ വിശദീകരിച്ചു എന്നതാണ്. അതുകൊണ്ട് തന്നെ ചരിത്രപരമായ ഭൌതികവാദമെന്ന ശാസ്ത്രീയവും പ്രയോഗത്തിന്റെതുമായ ദർശനപദ്ധതി ലോകമെമ്പാടുമുള്ള പണിയെടുക്കുന്ന ജനതക്ക് അസമത്വങ്ങളില്ലാത്ത, ചൂഷണമില്ലാത്ത, അടിച്ചമർത്തലുകളില്ലാത്ത, മനുഷ്യവികാസത്തിന് പരിധികളില്ലാത്ത ഒരു വ്യവസ്ഥിതിയുടെ സ്ഥാപനത്തിനായുള്ള സമരങ്ങളിൽ പ്രതീക്ഷയും, ആവേശവും, വഴികാട്ടിയുമായി നിലകൊള്ളുന്നു