ዓርሰ እምነትን ኣንደበተ ርቱዕነትን ዝተላበሰ ጅግና መንእሰይ እዩ። ወታደራዊ ብቕዓቱ ኣባል ሰራዊት ምክልኻል ኢትዮጵያ ኮይኑ ኣመስኪሩ፤ ስዒቡ ድማ ኣባል ሰራዊት ትግራይ ኮይኑ ኣብ ቃልሲ መኸተ ተኣምር ሰሪሑ። ኣብ ግንባር ምዕራብ ከባቢ ባዕኼር ብዝገርም ወነ ናይ በይኑ ቦታ ፈልዩ ፀላእቱ ከም ቆፅሊ እናርገፎም ከሎ ብኸቢድ ተወቒዑ። ፀላኢ ነቲ ቦታ ምስተቖፃፀሮ ድማ ሞይቱ ኢሎም ረጊፀሞ ሓሊፎም። ተሲኡ ህይወት ሰሪዑ ምስ ቁስሉ ፀላኢ ናብ ዘለዎ ከተማታት ባዕኼርን ሑሞራን ኣትዩ። ኢሉ ውን ዝለዓለ ፈተሻታት ሰጊሩ ብቀጠናታት ሞት ሓሊፉ ናብ ሱዳን ሰጊሩ። ኣብ ሱዳን እናተሓከመ ድማ ንኹለን ዓለም ለኻዊ ሚድያታት ተኣምራዊ ኣጋጣምታቱ ዘንትዩለን። እዚ ምትሓታዊ ሞት ዝተሓሰሞ ጅግና - ተጋዳላይ ህይወት ኣረጋዊ (ወዲ ሕጊ) ይበሃል። ዝኹሉ ከመይ ኢሉ ሰጊርዎ? ሓቢርና ንከታተሎ።