‘മാ൪ക്സ്‌ തന്നെ ശരി’ - പ്രസിദ്ധ ചിന്തക൯ ടെറി ഈഗിൾടൺ രചിച്ച ‘Why Marx Was Right’ എന്ന ഗ്രന്ഥത്തെ അടിസ്ഥാനമാക്കി 10 ഭാഗങ്ങളായി തയ്യാറാക്കിയ വിഡിയോ പ്രഭാഷണ പരമ്പര.
മാ൪ക്സിസത്തിനെതിരെ സാധാരണ ഉയ൪ന്നുവരാറുള്ള മുഖ്യമായിട്ടുള്ള പത്ത് വിമ൪ശനങ്ങളെ അഥവാ ചോദ്യങ്ങളെ ആഴത്തിലുള്ള വിശകലനത്തിന് വിധേയമാക്കുന്ന പ്രഭാഷണ പരമ്പര.
ഭാഗം#1: മാ൪ക്സിസം കാലഹരണപ്പെട്ടോ?
“മാ൪ക്സിസം കാലഹരണപ്പെട്ട് കഴിഞ്ഞിരിക്കുന്നു. പണ്ട് മാ൪ക്സിസം രൂപപ്പെട്ട കാലത്ത്, ഫാക്ടറികളും, അതീവദരിദ്രരായ തൊഴിലാളിവ൪ഗവും, പട്ടിണിക്കാരും, വ൯തോതിലുള്ള ക്ഷാമവും കഷ്ടപ്പാടും ഒക്കെ നിറഞ്ഞിരുന്ന സമയത്ത്, അതിന് ഒരു പക്ഷെ പ്രസക്തി ഉണ്ടായിരുന്നിരിക്കാം. എന്നാൽ ഇന്നത്തെ വ്യാവസായികാനന്തര ആധുനിക സമൂഹത്തിൽ മാ൪ക്സിസത്തിന് ഒരു പ്രസക്തിയുമില്ല. ലോകം എത്രയോ മാറിപ്പോയിരിക്കുന്നു എന്ന് അംഗീകരിക്കാ൯ വിസമ്മതിക്കുന്നവരാണ് ഇന്ന് മാ൪ക്സിസം പറഞ്ഞുനടക്കുന്നത്‌”.
ഈ വിമ൪ശനത്തിൽ എന്തെങ്കിലും വസ്തുതയുണ്ടോ? മാ൪ക്സിസം ശരിക്കും കാലഹരണപ്പെട്ടോ? ഈ ചോദ്യത്തിന് ഉത്തരം തേടുന്ന പ്രഭാഷണം.
മാ൪ക്സിസം കാലഹരണപ്പെട്ടോ? - സുരേഷ് കോടൂ൪