Рет қаралды 1,468
ಒಂದು ಕನಸು
ಮೊನ್ನೆ ರಾತ್ರಿ ಒಂದು ಕನಸು
ಕೊಂಡುಕೊಂಡಿದ್ದೆ
ಚಿಗುರಿ ಇನ್ನೇನು ನನಸಾಯಿತು ಅನ್ನುವಾಗಲೇ
ಆದ್ಯಾರೋ ಆಕಾಶವನ್ನೇ
ಸೀಳಿಬಿಟ್ಟರು ಎರಡಾಗಿ.
ನನ್ನ ಭಾಗಕ್ಕೆ ಸೂರ್ಯನಿಲ್ಲದೇ
ಬೆಳಕಾಗಲೇ ಇಲ್ಲ;
ಪಾಲಿಗೆ ಬಂದ ಚಂದಿರನಿಗೆ
ಬೆಳದಿಂಗಳೇ ಇಲ್ಲ.
ಯಾರ್ಯಾರೋ ಇಲ್ಲಿ ಬಂದು
ತಮ್ಮ ಬೇಸರ ಕಳೆಯಲು
ಆಟವಾಡಿ, ಇನ್ನು ಸಾಕು ಎಂದು
ಮನೆಗಳಿಗೆ ಹಿಂದಿರುಗಿದಾಗ
ನನಗೆ ಉಳಿದದ್ದು
ಆಟ ಮುಗಿದ ಬಯಲ ಕೆಂಧೂಳು!
ಗಡಿಗಳ ನಡುವೆ
ಬದುಕು ಹಳಿ ತಪ್ಪಿದೆ.
ಅರ್ಧ ಸತ್ತು ಮಲಗಿದ ರಸ್ತೆಯಲ್ಲೀಗ
ಹೊಸ ಹುಟ್ಟು ಕಾಣುತ್ತಿಲ್ಲ
ತೂಗದಿಹ ತೊಟ್ಟಿಲಿನಲ್ಲಿ
ಕಂದನ ಅಳು ನಿಲ್ಲುತ್ತಿಲ್ಲ.
ಕನಸುಗಳು ಬತ್ತುವ ಮುನ್ನ
ಎಲ್ಲೆಗಳ ಮೀರಿ
ಗಡಿರೇಖೆಗಳಿಲ್ಲದ
ಖಾಲಿ ಇತಿಹಾಸಕ್ಕೆ ಮರಳುತ್ತೇನೆ.
ಅಲ್ಲಿಯೂ ಪುಟಗಳು
ಖಾಲಿ ಇಲ್ಲದಿದ್ದರೆ,
ನಾಗರೀಕತೆಯ ಗಂಧವಿಲ್ಲದ
ನದಿದಂಡೆಗೆ ಮರಳುತ್ತೇನೆ.
~ ರವೀಂದ್ರ ನಾಯಕ್ ಸಣ್ಣಕ್ಕಿಬೆಟ್ಟು
#lovepoetry
#dream
#war