رز العزايم والمناسبات على طريقة الشيف حصه :
🔥😍🔥
لذيذ لذيذ لذيذ وينفع على لحم الذبايح او قطع كبيرة بس كان متوفر عندي حجم الثلاجة واستخدمته
الكمية حسب الرغبة طبعآ ...
في قدر الضغط او قدر عادي اذا ماكنتي مستعجلة
حطيت بهارات حب( لومي /وورق غار /وقرفة /وهيل) وبصلتين مقطعه اثمان
و٤ فصوص ثوم مقشرة وحمست بدون زيت
-----
اضفت قطع اللحم وقلبت شوي
واضفت ٢ م ك بهار مشكل وقلبته
واضفت الماء ،، وضغطته ٤٥ د حسب حجم ونوع اللحم اضفت الملح في الاخير كنت ابيه ذايب
بعدين حطيته بصينية وجهزت خلطة عبارة عن :
( ماء سلق اللحم ربع كوب / ومنقوع زعفران / ولون صفار / وشوي هيل / وشوي بهار مشكل / وملح)
ودهنت اللحم ودخلته الفرن مايطول بس تحمر شوي
------
في ماء سلق اللحم بعد مااصفيه حطيت الرز
استخدمت الشعلان عنبر
( كل كوب رز 👈🏻 له كوبين ماء / و م ص ملح)
وخليت الحرارة عالية
بس يختفي الماء ،، حطيت ٣/٤ ك حليب سايل ( استخدمت نادك قصير الأجل)
وعصير نص ليمونة
( هذا من الاسرار تعطيه طعم ولون وتطول الحبة) وحطيت منقوع الزعفران
والكشنة الي سويتها
واهدي الحرارة واغطيه ٢٠-٣٠د
وبتحصلين على اطلق وصفة ...
الكشنة :👇
سمن بري و٣ بصل مقطع للحشو
بس يصير لونه ذهبي فاتح حطيت جزر
وممكن فلفل بارد وكشمش
بس اكتفيت بالجزر واقلبه شوي
وتحط البهارات التالية ( شوي من كل من ( مسمنة / او بهار مشكل / وكركم / ولون صفار / ولومي / وهيل ومنقوع زعفران / وملح ) ..
واقلب شوي .. وتكون جاهزة 😋