HEESTA: Sow kuma danuunucin
ERAYADA: Maxamed Aadan Dacar
LUUQDA: Axmed Mooge Liibaan
LYRICS : Dhugmaal Lyrics
QORAALKA HEESTA (LYRICS )
✍️✍️✍️✍️✍️✍️✍️✍️✍️✍️✍️
Ma ogtahay daraadeed
Riyo inaan ku daaloo.
Aan badwayn dabaashoo
Ka baafiyay daruuraha.
Adaan dooq jacayl iyo
Kalgacayl ku daarine
Miyaan dunida joogaa
Daymadaa jaleecada
Sida geel dar loo horay
Sow kuma danuunicin
--------------------------------------
Ma ogtahay danteydiyo
Wuxuu caashaq ii diray
Inay tahay da’deyba
Inan aan ka door biday.
Aan day dayaayaan
U dib jiray habeenadaan
Moowluhu ha daayee.
Daymadaa jaleecada
Sida geel dar loo horay
Sow kuma danuunicin
_____________________
Ma ogtahay daraadeed
Riyo inaan ku daaloo.
Aan badwayn dabaashoo
Ka baafiyay daruuraha.
Ma ogtahay dabiib iyo
Dawadayda inay tahay
Oo aanan daynayn
Oo laygu daaw galay,
Adaan dooq jaceyliyo
kalgacayl ku daarine
Miyaan duniba joogaa
Daymada jalleecada
Sida geel dar loo horay
Sow kumaan dunuunicin.
Kolka geela la horo ee hadba hormo la sii daayo, oonka uu biyaha u qabo iyo heeska wiilka shubaya kolkay isu biirsadaan wuu dunuunucaa.
Dunuunucu waa cod yar oo aan lamid ahayn codadka kale ee uu geelu bixiyo sida ololka iyo cabaadka, waa cod hoose oo meel fog gaarin neefku isagoo aan afka kala qaadin yuu cod yar bixinaya wuxuuna ka turjumaya rabitaan xad dhaaf ah ee uu neefku qabo.
Gabal gaabkii kolka awrta dhaanka ah lasoo fuliyo ee ay isugu darmaan daaq la'aantii maalinkaas iyo biyihii ay ka ladaabatay xiisaha ay u hayso mayraca iyaduna waa ay dunuunucdaa. Sidoo kale kolka geelu kacaansanyahay ee la jikaaro isna waa uu dunuunucaa, mar walba oo geela wax uu rabitaan xad dhaaf ah uu u hayo laga hor istaago dunuunucu waa habka kaliya ee uu ku muujo rabitaankiisa.
#dhugmaal_lyrics #mooge #axmedmooge