觀塘人食晏，最緊要平、靚、正，性價比高自然多人幫襯。好像觀塘駿業熟食中心某食店，以鑊氣炒飯、超值炸子雞爆紅，每日午市總是大排長龍。小店的午市飯餐全由主廚「阿龍」一手包辧，功架十足水準穩定。及後龍哥退任離開，很多吃過他手勢的觀塘人，總記掛着他的拿手菜。
最近龍哥夥拍新拍檔，回歸觀塘自立門户，開設「龍記小廚」，繼續賣當紅炸子雞及拿手炒飯。
新店走中式小菜館路線，鋪面比熟食中心乾淨闊落。午市飯餐竟有三十多款極多選擇，炸子雞、咕嚕肉、滑蛋蝦球、各款炒粉麵飯、撈河等，應有盡有，全部即點即做，平均五十元便吃到。而晚市則主打小菜和海鮮。
選址聯安街，鄰近多是住宅，開張一個月，午市來到，見不少打工仔專程來光顧。
為甚麼回歸觀塘插旗？阿龍：「自己是在觀塘打響名堂，好多人認得我，食過我煮嘅嘢，所以在觀塘開鋪，佔了天時地利人和。趁自己年輕，嘗試闖一番事業。」
阿龍找來廚師阿剛合夥，阿剛本身是前米芝蓮一星餐廳文興酒家大廚，精通粵菜。龍哥負責餐廳營運和廚房砧板位，而剛哥就負責站爐頭，人多繁忙的話，互相補位很有默契。
午市和晚市餐牌由他們一同設計，堅持食材要新鮮，出品講求色、香、味。若你曾是龍哥熟客，一看午市餐牌會覺得有些眼熟，不少曾為舊東家炮製過的菜式，在龍記小廚也吃得到。「我覺得自己煮嘅最好食，全世界都有乾炒牛河，都唔會攞嚟比較；我不怕客人貨比貨，照樣放落餐牌。」
說到龍哥拿手招牌菜，非炸子雞莫屬。步驟繁複的炸子雞，前後花兩日時間準備，每日午市、晚市限量供應，務求每日賣光，不會放過夜。午市一客半隻$78連白飯，熱焫焫出餐，依舊皮脆肉嫩，水準之作。
快靚正即炒粉麵飯同樣出色，推介其中的蟹黃醬海皇炒飯和芫荽牛鬆炒飯，炒飯乾身，粒粒分明，每粒米飯有蛋液包裹着。每日新鮮自家炒的蟹黃醬，入口甜香，帶濃郁蛋黃味，伴炒飯一流。夾雜蝦仁、帶子粒和鮮魷，份份足料。
牛鬆炒飯有驚喜，用上安格斯牛肉，人手剁碎增添口感，芫荽份量不少，芫荽味極香，喜歡吃芫荽的不要錯過。
午市飯餐也吃得到拔絲咕嚕肉，特意選用豬下青，取其脂肪均勻，吃下去爽口。咕嚕肉炸得酥脆，每件沾滿酸甜醬汁，拔絲效果令人胃口大開。
晚市除了小炒，每日都有海鮮推介。海鮮即日買，有椒鹽、避風塘、清蒸、薑葱、蒜蓉開邊蒸等食法，任君選擇。避風塘瀨尿蝦最抵食，瀨尿蝦並非手臂般長，肉質新鮮彈牙，隻隻有膏，配搭避風塘的蒜味辣味，吃得過癮。上菜方式配上飛天麵，剛哥在筷子上掛上麵條，不停用滾油反覆淋油讓麵條定型，然後在麵條上放滿瀨尿蝦，如此浮誇的賣相，打卡一流，誠意十足。
兩位大廚由替人打天下，到今天變成餐廳老闆，龍哥說每天面對無數困難，但他們對食物出品的執着不變，他盼望有一天，當客人來到觀塘食飯，就想起龍記小廚就滿足了。
午市炸子雞 $78 (半隻/連白飯)
午市蟹黃醬海皇炒飯$62
午市芫荽牛鬆炒飯 $52
午市拔絲咕嚕肉 (連白飯) $55
避風塘瀨尿蝦 (時價)
蒜蓉開邊蒸龍蝦 (時價)
龍記小廚
地址：牛頭角聯安街21號
電話：3568 6008
營業時間：星期一至日11:30am-11:30pm
@lunggeisiuceoi
撰文：Sharon Chan
攝影：Peter Li
剪接：Fong Ka Him
美術：Anita Lam
TalkFood 先填飽肚子再前進
KZfaq： / talkfood
Facebook： / talkfood
Instagram： / talkfood
全自費真實食評，內容反映當日質素，並非廣告！最新價格以餐廳為準。
#炸子雞 #觀塘熟食中心炸子雞 #觀塘熟食中心 #米芝蓮 #芫荽牛鬆炒飯 #蟹黃醬海皇炒飯 #炒飯 #拔絲咕嚕肉 #咕嚕肉 #海鮮 #瀨尿蝦 #龍蝦 #飛天麵 #小菜館 #聯安街 #安格斯 #午餐 #食晏 #晚餐 #TalkFood #TalkFood觀塘
延伸閱讀：
#TalkFood【#街坊嘢】觀塘放飯 | 駿業熟食市場 | 平靚正午餐 | 一人廚房 一人樓面 | 超值得過份 | $68超水準炸子雞 | $40起 鑊氣海皇炒飯 | 無敵黑松露蝦仁炒滑蛋 • #TalkFood【#街坊嘢】觀塘放飯 | ...
#TalkFood【#街坊嘢】圍板內的石圍角｜留得住麥當勞叔叔 | 36年牛雜店 | 街坊打躉吹水飯堂｜續租還是結業？老屋邨翻新的掙扎｜日賣過千粒手工魚肉燒賣｜被牛雜麵耽誤的燒賣專家｜#達人說
• #TalkFood【#街坊嘢】圍板內的石圍角...