#𝗕𝘂𝗿𝘂𝗻𝗱𝗶 #𝗥𝘂𝘆𝗶𝗴𝗶 #𝗕𝘄𝗲𝗿𝘂
𝗜𝗽𝗳𝘂𝗻𝗴𝘄𝗮 𝗿𝘆'𝘂𝗺𝘂𝗺𝗲𝗻𝘆𝗲𝘀𝗵𝗮𝗺𝗮𝗸𝘂𝗿𝘂.𝗜𝘁𝗲𝗿𝗮𝗯𝘄𝗼𝗯𝗮 𝗸𝘂 𝗯𝗮𝗺𝗲𝗻𝘆𝗲𝘀𝗵𝗮𝗸𝘂𝗿𝘂??
Uwo mumenyeshamakuru apfungiwe mu gasho ka Commune Bweru,yitwa NTAKARUTIMANA Pantaléon,akorera ikinyamakuru Magazine Jimbere jimbere mu ntara za Ruyigi na Cankuzo.Yapfunzwe na Musitanteri w'iyo Commune,Diane NIYIBITANGA ku musi wa gatandatu,igenekerezo rya 13/07/2024.
Uwo mumenyeshamakuru apfunzwe azira amatohoza yariko akora mu kazi kiwe ajanye n'ikiziga c'umuntu cari mu modoka ya Musitanteri.
Nk'uko amasoko yacu avyigana,kur'uwomusi wa gatandatu 13/07/2024,uwo mumenyeshamakuru NTAKARUTIMANA Pantaléon yari mu kazi kiwe ka misi yose ku bitaro vya Commune Bweru,ni ho haza imodoka ya Musitanteri Diane NIYIBITANGA irimwo ikiziga c'umuntu biboneka ko yagonzwe,amuzanye mu buruhukiro vy'ivyo bitaro.
Mur'ako kanya nyene,haciye hashika umurwi w'abantu bo mu muryango w'uwo yari yapfuye(yagonzwe),bavuga ko bidashoboka ko uwo Musitanteri yari kwihutira kujana uwo muntu mu buruhukiro mu gihe uwamugonze atigeze amufata.Abo bene umuntu bariko bidoga,bagiriza Musitanteri ko ariko akora amanyanga mukugomba gukingira ikibaba uwagonze umuntu wabo agaca apfa.Bagira bati:"𝗡𝘁𝗶𝘃𝘆𝘂𝗺𝘃𝗶𝗸𝗮𝗻𝗮 𝘂𝗸𝘂𝗻𝘁𝘂 𝗠𝘂𝘀𝗶𝘁𝗮𝗻𝘁𝗲𝗿𝗶 𝗮𝘇𝗮𝗻𝗮 𝗶𝗸𝗶𝘇𝗶𝗴𝗮 𝗰'𝘂𝗺𝘂𝗻𝘁𝘂 𝘄𝗮𝗰𝘂 𝗸𝗮𝗻𝗱𝗶 𝘆𝗮𝗻𝘀𝗲 𝗴𝘂𝗳𝗮𝘁𝗮 𝘂𝘄𝗮𝗺𝘂𝗴𝗼𝗻𝘇𝗲,𝗮𝘀𝗵𝗮𝗸𝗮 𝗸𝘂𝗺𝘂𝗸𝗶𝗻𝗴𝗶𝗿𝗮 𝗶𝗸𝗶𝗯𝗮𝗯𝗮,𝘁𝘂𝗿𝗮𝘃𝘆𝗮𝗻𝘀𝗲....."
Mur'ako kanya,NTAKARUTIMANA Pantaléon,nk'umumenyeshamakuru yaciye yegera abo babuze umuntu kugira atohoze neza,atange amakuru.Ariko ntiyorohewe kuko Musitanteri yagumye amutera ubwoba ko niyakora iyo nkuru y'ico kiziga aza kwibonerako,yaramubwiye n'ayandi majambo aremereye cane,yongera amubwira ko yoraba ibindi akora,ivyo vy'ikiziga akavyihoza."𝗡𝗶𝗺𝗯𝗮 𝘄𝗶𝗸𝘂𝗻𝗱𝗮,𝗶𝘆𝗼 𝗻𝗸𝘂𝗿𝘂 𝘆'𝗶𝗰𝗼 𝗸𝗶𝘇𝗶𝗴𝗮 𝗻𝘁𝘂𝘆𝗶𝗸𝗼𝗿𝗲,𝘂𝗸𝗮𝘆𝗶𝗯𝗮𝗻𝗱𝗮𝗻𝘆𝗮 𝘂𝗿𝗶𝗯𝗼𝗻𝗲𝗿𝗮𝗸𝗼...:"Amwe mu majambo ya Musitanteri mugutera ubwoba umumenyeshamakuru.
Uwo mumenyeshamakuru ntiyacitse intege,yahisemwo kubandanya akazi kiwe kuko yari yamaze kuvugisha(kumviriza)bene umuntu. Ni ho umumenyeshamakuru yegera Musitanteri,Diane NIYIBITANGA kugira nawe agire ico abivuzeko,kugira asohore inkuru y'impande zose:"Information équilibrée."
Ubwo nyene,Musitanteri yaciye ahamagara abapolisi bamugendanira,bafata wa mumenyeshamakuru bamwaka téléphone yiwe ngendanwa yarafise n'agatabo bita "carnet" yandikamwo.Baciye bagenda baramuburuta hasi,bamwinjiza agasho k'iyo Commune,ari naho apfungiwe gushika uno musi.
Abatari bake babona ko ivyo bigaragaza ko abamenyeshamakuru bakorera mu Burundi batorohewe na gato,intwaro ihari ikaba ibandanya guhonyanya ubwigenge bwo kumenyesha amakuru.Basaba uburongozi bw'ikigo CNC gufasha kugira uwo mumenyeshamakuru NTAKARUTIMANA Pantaléon akorera Magazine Jimbere arekurwe kuko ataco azira kiretse gukora umwuga wiwe.
#amakuru_atarikwivumbi
#urugendo_news_amakuru
#Updats_zurugendo_news
Amakuru 🅱🅱C Gahuzamiryango
Amakuru ya RPA yihuta
Amakuru ya Haguruka yihuta
Amakuru yinzamba yihuta
Amakuru ya Peace FM yihuta
Amakuru n'ibiganiro bicukumbuye