Like እና Share በማድረግ ለወዳጅ ዘመድዎ ያጋሩ
የKZfaq ቻናላችንን Subscribe በማድረግ በየጊዜው የሚለቀቁ Videoዎችን ይመልከቱ ||
/ alfaruqtube
የፌስቡክ ገፅ ||
/ ​​...​
ቴሌግራም ||
t.me/alfaruqtub​​​​​
#ALFARUQTUBE #MUAZ_HABIB #MENZUMA
ያ ሸምሰል ሁዳ
።።።።
ለግሶት መውላይ ውበት ከጠባይ
ታጣለት መሳይ ከውቦች ጓዳ
እስክሽር በልሜ መዳፉን ስሜ
ሆኗል ቀለሜ የርሱ ባለእዳ
።።።።።
ቅንድቦች መሃል በድር ይታይሃል
ሲባል ሰምተሃል ከጫሎች ዘንዳ
ጥርሱ ንጣቱ ኮከብ ማጥፋቱ
ደግሞ ፍንጭቱ ኑር ሚያፈነዳ
።።።።
መልኩ ተጀንበር ያበራ ነበር
ጥንቱን ሲደበር በውበት ማርዳ
ስንቱን ማረከው ቅንድብሁ ረቆ
ጉንጭሁ ፈንድቆ ከፅጌረዳ
።።።።።።።
ያ ኸይረል በሸር ባንቱ ልበሸር
ልገመሻሸር በሃድራው ሜዳ
ካሪፎች ይዤ ልምጣ ተጉዤ
ቀልቤን ገርዤ ከወንጀል ልፅዳ
።።።
በኔው ላይ አሁን ጥለሁ ጥላሁን
ልየው ስፍራሁን አልሁን እንግዳ
አንቱ የኔ እጣ ፣ የሎት ባላንጣ
የመጣው ይምጣ ካየሆት ወዲያ
።።።
ያ ታጀል አርሳል፣ ፍቅርሁ ያነግሳል
ሙሂብ ያወርሳል፣ ዙላል ከምንዳ
ይገመድላል ፣ፈይዱን ያድላል
ያሞናድላል ያላንዳች እዳ
።።።።
የፍቅርሁ ሃለት በጅግ ይገርማል
ይዝገመገማል ሌትም ማለዳ
የተወጋው ሰው ነው ሚላወሰው
ሚወሰወሰው ወዳንቱ ዘንዳ
።።።።።
ሲሻው ነው ሃኪም ሲሻውም ህመም
ሲሻውም ለምለም ጥንቅሽ አጋዳ
ይሆናል መሪ፣ ሲለውም ፈሪ
ልብን ጠፋሪ ማያስከነዳ
።።።።
እምቢን አያውቁ ከተጠየቁ
ውሃ ሚያፈልቁ ከጃቸው ሜዳ
ማሂ ቅረቡኝ ፣ ወዳንቱው ሳቡኝ
ከፍተሁ አስገቡኝ ፣ከርስዎ ጓዳ
።።።።
ሾንክዩ ውዱ፣ ያሏህ ዛሂዱ
አንቱን ቢወዱ፣ ተብለዋል ቅዳ
ቀልቡ ነው ዋና ፣ስጋው መንማና
የሾንኬ ማዕና፣ ዱረተል በይዷ
።።።
በሃያት ካሉት ፣ዱንያን ከጠሉት
ከሚያዳድሉት፣ ኢልሙን በማዳ
ከሱናው ኮቴ ካሏህ ከበርቴ
ከነ ሸይኽ ዛቴ፣ ይፈሳል ሁዳ
።።።
ገትዩን ማውሳት፣ አለው ልግሳት
አይጠብስም እሳት፣ መቃሙ ዘንዳ
እንዲያው ነው ወጉ ፣ ትልቅ ሲጠጉ
አይፈሩ አይሰጉ፣ ከዚያማ ወዲያ
።።።።።
ኢሽቁ ገረፈኝ አዝለፈለፈኝ
አክለፈለፈኝ የሸውቁ ናዳ
ነቢየ ሃብቴ ፣ ፈንታየ ቤቴ
እናት አባቴ ፣ይሁኖት ፊዳ
።።።።።።
እንከን የላቸው ውበት ከጠባይ
አይደል ቃል አባይ ፣ ወዳጅ ሚከዳ
የርሱ በረካው ስንቱን አፈካው
ኡመር ቢነካው ጨለጠ ሁዳ
።።።
በለዘብታ ነው ፣ ወግም ካወጉ
እግር አይዘረጉ፣ በሰዎች ዘንዳ
ያለን ሚቸሩ፣ ማያሳድሩ
ብለው ነገሩ አኢሻም ሰውዳ
።።
ሰውን አይንቁ፣ ጮኸው አይስቁ
ፈገግታው እንቁ፣ ሚያናግር ዲዳ
ጎራው ቢናድም፣ ሰማይ ቢወርድም
እናት አትወልድም እንደ አህመዳ
።።።
።።
ገራገር ሸጋ በመሸም ነጋ
አንቱን ፍለጋ፣ ሰልማን ገባ እዳ
ሙዐዝዋየ፣ ይላል እየየ
አንቱን ካላየ፣ እንጃለት ወዲያ
።።።
ያናብስት አዛዥ የጀግና አለቃ
የፍልሚያው ሳንቃ፣ በርሱ ሚነዳ
ቅዋው ያርባ ሰው፣ የለም ሚደርሰው
አንከላበሰው፣ የጀህልን ናዳ
።።።።
ኢብራሂም ውዲ፣ ስራቸው ሃዲ
ሶስት ይሁን አንዲ፣ አልዋሹም ወዲያ
ነበሩ መሪ ፣ሐቅ አስተማሪ
ካሏህ ከባሪ፣ ትዛዝ ሚቀዳ
።።።
ሙላው ነቢያት፣ በማማር ግባት
ሆነዋል ነባት፣ የምርጦች ፃዳ
ያዩብ አካሉ አልተላም አሉ
ከፀያፍ ሁሉ ፣ ጅስሙ የጠዳ
አህመደል ሃዲ ፣ያንቱ ሙሂቡ
ጦሽ አለ ልቡ፣ ከረውዷው ዘንዳ
ግንባርሁ ጣለው በድር የመሰለው
ሸሪካ የለው ፣ የርሱ ሲያዳ
።።።
ዩሱፉ ሲያልፉ እጅ የከተፉ
ማርኳቸው ወስፉ፣ የመልኩ ፃዳ
አምሮ የገነነው የተዘየነው
ተቆንጥሮ ነው ከኛው አህመዳ
።።።
ሚሳልም የለው ጠባይ አካሉ
ከውሰር ጠለለው፣ በጁድ ማኢዳ
አንቱን ነውንጂ ሌላን አላልኩም
ከቶ አላረፍኩም ይዤም መከዳ
።።።።
ተስመንምናለች፣ ናፍሴ ናፍቃለች
ልትበር ደርሳለች ነፍሴ አንቱን ወዳ
ዱንያ ሃያቱ፣ አንጡራው ሃብቱ
እንዴው ያላንቱ፣ አንድም አይጠዳ
ዱንያ ሃያቱ፣ አንጡራው ሃብቱ
እንዴው ያላንቱ፣ አንድም አይጠዳ
በኑር መኳያሁ ፣ኩለሁ አስጊጡኝ
በጅሁ አጠጡኝ ፣ሃውዱ ሲቀዳ
።።።።።
ከውከቡል አንፊ፣ ኑሪዩል ወስፊ
ሪቁሁ ሻፊ፣ ላ ለሁ ኒዳ
ፈይዱ ሙሰልሰል፣ የሌለው መሰል
ሚዛቡል ዐሰል፣ ዳኢም ሰርመዳ
።።።
የሩህ ቀለብ ነው፣ ሃልም ቃላቱ
ንጡህ ላበቱ፣ ሚስክ ሚያስቀዳ
ቤቱን ያነጥፋል ፣ ልብሱን ይሰፋል
ይንሰፈሰፋል ለዘመድ ባዳ
።።።።።
የኸሊል ሳቱ፣ ነዶ መጥፋቱ
ነውኮ ባንቱ፣ የዳነው ከእዳ
።።።
ጦይባ የሰከነው፣ የተዘየነው
ሽልማቴ ነው ውዛቴ ቆዳ
አንጎራጉራለሁ፣ላንቱ እቀኛለሁ
እጠራኋለሁ መሸም ማለዳ
።።።።።
ነፍሴ ሰክራለች፣ ተማርካለች
የአለሙን ኑር ሙስጦፋን ወዳ
አርሽ እስከ ሰራ ፣ላንቱ ተሰራ
።።።
አዕዘቡ ሸራብ፣ ጧሒሩል አንሳብ
ኢክሊሉል አንጃብ፣ ታጁል አምጀዳ
አጅመሉል መኽሉቅ፣ ዐዚሙል ኹሉቅ
ሷዲቁል መስዱቅ፣ አውሰዑል መጅዳ
።።።።።።
ሰይዱል አስያድ፣ ሙንተሃል ሙራድ
ሰበቡል ኢስዓድ፣ ናሺሩል ሁዳ
ሷሂቡል መቃም፣ ቲርያቁል አስቃም
ፈቀድ ለሁ ቃም ፣ ሃውደን መውሪዳ
።።።።
ክረምትም በጋ፣ በመሸም ነጋ
ዳኢም ይንጋጋ፣ ሶላት በአህመዳ
በቤተሰቡም በአል በሶህቡ
በሙንተሶቡ ዘመድም ባዳ
ግጥም
ኡስታዝ ሰኢድ አህመድ