【長洲家姐帶路之長洲2.0】長洲人發板帶你遊長洲｜入長洲可以搭船入西灣？｜攞正牌做freerider｜長洲有公屋？｜蛋撻仔好味到Y小編食完再買！｜冇譚仔都有米線食｜有性格芝蛋堡｜長洲冷知識
事隔差不多一年，我哋又入長洲喇！不過今集好唔同，因為我地嘅18區搵食首次迎來第一位嘉賓！名符其實係長洲人，全日行程由佢安排，到底地道嘅長洲人食啲咩，會唔會食大魚蛋同糯米糍呢？
第一間嚟到火車頭酸辣小窩，因為長洲冇連鎖米線店，呢間火車頭就成為咗長洲人嘅愛店。番茄湯米線番茄味濃郁又稠身，酸酸甜甜好開胃！必食豬軟骨同豬頸肉，豬軟骨煮到腍晒＋豬頸肉嘅爽彈，正到冇得彈～
佢哋嘅蝦仔雞翼都好特別，上面灑滿櫻花蝦，再加埋芝麻醬，好有日本風味@@
第二間威堡，老闆喺門口即叫即做漢堡包，叫咗漢堡包同芝士蛋漢堡，Y小編食嘅漢堡包有啲乾，長洲家姐話佢哋嘅水準係一時一樣～雖然唔係特別好味，但有時經過唔太肚餓都會買返個食吓喎～
第三間啡寮，唔使長洲家姐介紹我都識佢，基本上成為咗長洲嘅標誌。檸檬蜂蜜冰滴咖啡好好飲，天氣熱辣辣嗰陣，飲返杯係即時透心涼，仲有椰皇冰滴咖啡都唔錯，飲到椰子水嘅同時又帶啲咖啡香味，正！
最後一間康蘭餅店，出名食迷你蛋撻同椰撻，每日供應時間係1415-1700，記得要睇準時間先去買呀。十級推薦迷你蛋撻，好味到食完Y小編自己俾錢再買！！但記得要一口塞晒落口，唔可以分2啖食，一口塞落口入面嘅蛋漿爆發嗰下，真心唔食會後悔呀！！
大家去長洲會食啲乜嘢？歡迎留言話俾我哋聽～如果各位唔介意出鏡又咁啱係離島家姐，記得記得DM我哋，一齊同Y小編去離島飲飲食食～
另外仲有好多長洲人先知嘅冷知識，原來長洲有公屋？西灣唔使行過去可以搭船去？叫雅寧苑係因為長洲島形似啞鈴等等嘅冷知識，想知點解快啲去睇片啦！
*特別鳴謝長洲家姐
火車頭酸辣小窩
地址：長洲新興街36號地下
豬軟骨番茄湯米線 $52
豬頸肉秀珍菇麻辣湯米線 $52 （小辣）
蝦仔雞翼/2隻 $16
威堡
地址：長洲新興街34號地下
漢堡包 $18
芝士蛋漢堡 $27
啡寮
地址：長洲新興街4號地下
檸檬蜂蜜冰滴咖啡 $50
椰皇冰滴咖啡 $60
康蘭餅店
地址：長洲海傍道91號B地下
迷你蛋撻、椰撻 $10/4個
葡撻 $8
延伸閱讀：
【幫襯小店】不是椰撻蛋撻 它是終極老餅 巴黎撻｜紅馬海傍餅店
/ cbcfhyitpbb
【幫襯小店】食粥都飽 長洲限定 $24明火魚餅魚片艇仔粥｜黎恩記
/ ccxoviqr8su
【香港美食本地遊】今次嚟到長洲！
• 【香港美食本地遊】今次嚟到長洲！
【18區搵食-土瓜灣3.0之居然有條日本街？！】
• 【18區搵食-土瓜灣3.0之居然有條日本街？...
【18區搵食-深水埗西多士合集】
• 【18區搵食-深水埗西多士合集】食完先發現4...
【18區搵食-新蒲崗搵食2.0】
• 【18區搵食-新蒲崗搵食2.0】今集太亢奮語...