Die waardering vir vriendskap en die liefde van ouers teenoor hul kinders word pragtig weerspiëel in hierdie program deur die stories van die vertellers Magrieta Bezuidenhoudt, Jakobus Beukes en Elizabeth Cloete. Ons waardeer ook egte kulturele erfenis deur die Namastap dansers van Springbok - ( Namakwaland ).
“So /hôro ons Saam“ is ‘n 13 episode reeks wat verfilm was in die Ratelgat Erfenisgebied van die Weskus, in die hartjie van Namakwaland naamlik Garies, asook in die blommepragstreek van Springbok in die Noord-Kaap. Die program handel feitliks oor verskillende storievertellers van die verskeie streke wat hul interessante stories deel met kinders van die nuwe generasie. Dit is stories wat aan hulle oor vertel was deur hul voorvaders snags rondom ‘n kampvuur. Die program beloof om oud en jonk baie leer van die Griekwa sowel as die Namamense se kulturele erfenis, beginsel waardes en musiek. Julle kan besonderse inheemse kampvuur stories verwag wat deur verskeie bekende storievertellers van die streke vertel word.