For Enquiries Jayadev: 9633605205
*** Follow us on ***
Instagram: / travel_gunia
Facebook: / travelguniaamindfultra...
WhatsApp: wa.me/message/VMZFFPT6UEGXA1
2500 വർഷം പഴയ നന്നങ്ങാടിക്കുടം കണ്ടെത്തി എന്നൊരു പത്രവാർത്തയാണ് മലപ്പുറം വേങ്ങരയിലെ ഗാന്ധിക്കുന്നിൽ ഞങ്ങളെ എത്തിച്ചത്. കോഴിക്കോട് തൃശൂർ ദേശീയ പാതയിൽ കൂരിയാട് നിന്നും വേങ്ങര പോകുന്ന വഴിയിലാണ് ഗാന്ധിക്കുന്നിലേക്കുള്ള യാത്ര തുടങ്ങിയത്. ഞങ്ങൾ ചെന്നെത്തുമ്പോൾ ആ പ്രദേശത്തെ ജനങ്ങൾ മുഴുവൻ ഒരു വലിയ സന്തോഷം പങ്കുവെക്കുന്നുള്ളതായി തിരിച്ചറിഞ്ഞു. ഒറ്റ ദിവസം കൊണ്ട് സ്വന്തം നാട് വാർത്തകളിൽ ഇടംപിടിച്ചു അതു മാത്രം മതി അവരുടെയൊക്കെ മുഖത്തുപുഞ്ചിരി നിറക്കാൻ. അതിലുപരി വലിയൊരു ചരിത്രം തങ്ങളുടെ നാടിന് അവകാശപ്പെടാൻ പറ്റുന്നു എന്നൊരു വസ്തുത തള്ളിക്കളയാൻ സാധിക്കാത്തവിധം ഗൗരവത്തോടെതന്നെയാണ് ഈ നാട്ടുകാരുടെ ഇടപെടലുകൾ. ഒരുപക്ഷെ മറ്റേതെങ്കിലും നാട്ടിലായിരുന്നു ഇത്തരമൊരു കണ്ടെത്തലെങ്കിൽ പുറംലോകമറിയാതെ മണ്ണിട്ടുമൂടിപ്പോയേനെ ഈ പൗരാണിക നിർമ്മിതി.
പണ്ട് കാലത്ത് ശവസംസ്കാരത്തിന് ഉപയോഗിച്ച ചെങ്കല്ലിൽ കൊത്തിയെടുത്ത ഒരു ഭീമൻ കുടത്തിന്റെ രൂപമാണ് ഭൂമിക്കടിയിൽ ഞങ്ങൾ കണ്ടത്. അതിനോട് ചേർന്ന് തന്നെ ആ നന്നങ്ങാടി കുടത്തിലേക്ക്‌ അസ്ഥികൂടങ്ങൾ നിക്ഷേപിക്കുന്ന മുനിയറപോലൊരു പ്രവേശന കവാടവും കണ്ടെത്തപ്പെട്ടിട്ടുണ്ട്. ലോകത്തിലെ തന്നെ അത്യപൂർവ്വമായൊരു പുരാതന ജീവിത ശൈലിയുടെ വസ്തുനിഷ്ഠമായ തെളിവുകളാണ് കണ്ടെത്തപ്പെട്ടത്. കുറച്ച് സാഹസം കാട്ടിയാൽ അതിനുള്ളിൽ കയറിപ്പറ്റാൻ സാധിക്കും, എത്രയോ അസ്ഥികൂടങ്ങൾ താഴേക്കുവീണ ആ ഇടുങ്ങിയ ദ്വാരത്തിലൂടെ ഞങ്ങളും ഉള്ളിലെത്തി. അകത്ത് വിശാലമായ ഒരറ ചെങ്കല്ലിൽ കൊത്തിയെടുത്തിട്ടുണ്ട് ഇത്രെയും പണ്ട് ഭൂമിക്കുള്ളിൽ ഇത്രയും കൃത്യതയോടെ ഒരു കുടത്തിന്റെ രൂപം കൊതിയെടുത്ത വിരുത് നമ്മുടെ പഴയ തലമുറയുടെ കൈവിരുത്. ഇത്രയധികം അർപ്പണവും താൽപ്പര്യവും ഇത്തരം കാര്യങ്ങളിൽ പണ്ടുള്ളവർ കാണിച്ചത് ഗൗരവമുള്ള ഒരു കാര്യം ലക്ഷ്യം വെച്ചെന്നുറപ്പിക്കാം. ഈജിപ്റ്റിലെ പിരമിഡ്കളോട് വേണം ഇതൊക്കെ താരതമ്യം ചെയ്യാൻ. ഇതിൽ മരണപ്പെട്ടവരെ അടക്കം ചെയ്തിരുന്ന രീതികളിലും ഉണ്ട് ഒരുപാട് സവിശേഷതകൾ. ആദ്യം മൃദദേഹം തുറസ്സായ സ്ഥലത്ത് കിടത്തി പക്ഷിമൃഗാതികൾക്ക് ഭക്ഷിക്കാൻ കൊടുക്കും, പിന്നെ അസ്ഥികൂടമായ മൃതശരീരത്തിൽ നിന്നും പാദം വെട്ടിമാറ്റും. ഈജിപ്തിലെ മമ്മികളിൽ പുനർജന്മത്തിന്റ സാധ്യത ഉറപ്പുവരുത്താനുള്ള ശ്രമങ്ങളാണെങ്കിൽ ഇവിടെ അതിന് വിപരീതമായ രീതികളായിരുന്നു. എങ്കിലും ആത്മാക്കൾക്ക് ഭക്ഷണം കഴിക്കാനായി മണ്പാത്രങ്ങളും മറ്റുമുണ്ടായിരുന്നു. ഈ അപൂർവ്വ കാഴ്ച വരും തലമുറയ്ക്ക് കൂടെ കാത്തുസൂക്ഷിക്കാനാണ് സ്ഥലമുടമ വേലായുധേട്ടന്റെ തീരുമാനം.
#Nannangadi #Vengara #Muniyara #NannangadiKudam #Malappuram #Nannagadi #Touristplacesinmalappuram #TravelGunia